臨老出國讀書

Mar 11, 2022

大家好。大半年無係呢度出現，皆因小章舊年已到德國升學，要全力適應新環境，加上學習異常咁吃力，所以一直無寫啲野，而家趁放sem break，同各位大聲說：

我未死呀，你哋好！

同埋寫下好耐無用的中文。

本文無咩組織(或者從來都沒有)，只把一個人係異地的感受分幾點同大家分享。

點解揀德國？

好簡單，因為無錢。德國好多大學是不收學費的(每學期只收百幾歐的雜費)，而且有好多英文碩士課程。唔識德文也可就讀。

我在香港好多朋友都唔知呢個優勢。呢個亦都係我揀德國嘅原因，我唔想去熱門的英語國家，我覺得以我嘅性格，如果撞口撞面都係香港人，我好可能只會留在同一圈子裡。本來我想去愛沙尼亞添，可是佢reject 咗我，回頭睇，可能仲因禍得福。(唔知普京會癲成點)

另外我所在嘅係小城市，到而家我都未遇過一個香港人，大陸同學就唔少，但係我都無加入果啲華人微信群，我已把微信Delete 咗，一切順其自然啦，如果我最後都識唔到咩朋友，咁絕對係因為我太摺，而唔係因為我無用微信。

恕我不透露行蹤啦。呢次圖文依舊不符，啲風景相係我上星期去柏林遊覽嘅時候影嘅(主要係逛博物館，因為我好怕凍)，佔一下版面。

好可惜因Omicron 變種武肺嘅關係，上學期課上到一半就要變成網課，見同學的機會變少了，本來還想在這裡識個女朋友，最後仲係要跟左手相依為命。而且與人接觸少咗，口說英文嘅機會更少了，幸好有同學自發組織咗Study groups，令我呢個肥宅唔會死在apartment而無人知。

黎咗近半年，感覺英文無咩進步，但9UP時變得無咁尷尬，’Sorry for my broken English, hahaha’ 成了我的口頭禪。